Transcription
1
Monsieur, je ne scay sy avez sceu comment le cappitaine Bacon
2
a prins Villeneufve de Berc. Après avoyr combatu deux
3
jours, monsieur de Lenguères c’est saulvé avecques ses
4
enfans, le cappitaine Montault et quelques soldatz qu’il avoyt
5
avecques luy. L’on dict qu’il a saulvé l’argent de
6
la recept du roy qui estoyt là. Ceulx du Pousin
7
se retranchent fort. Pierre Gourde y a faict venir
8
sept ou huict mousquetz et sy vous assieure
9
monsieur que je doubte fort La Voulte car
10
ses jours passés il c’est trouvé par dedans
11
la ville des trouz faictz à la murailhe. Il y a
12
esté prins deux huguenualx qui sont de Beaufort
13
qui ont deseleré qu’il alyont au Pousin pour
14
pourter les armes. Je me doubteroys fort qu’il
15
n’y allasse pour mener quelque praticque
16
pour surprendre le chasteau de Beaufort. Jen
17
ay adverty madame la contesse mais je n’ay
18
poinct de responce. Qui sera la fin, après vous
19
avoyr supplié me commander votre vouloyr pour
20
icelluy toute ma vie acomplir d’aussy bon
21
cueur que me recommande très humblement à votre
22
bonne grace. Priant Dieu,
23
monsieur, vous donner très bonne, longue et très heureuze
24
[271v°] Vie. De vostre maison de Montoyson, ce IXme
25
de mars 1573.
26
Votre très humble et aubeyssant
27
servyteur
28
Montoyson.